Ola! Somos Casa Grande de Xanceda

Somos unha granxa familiar  ecolóxica en Galicia onde coidamos de máis de 300 vacas. Co seu leite elaboramos produtos lácteos moi ricos e sans! Temos 200 hectáreas de prados e bosques autóctonos  onde as nosas vacas pasean e pacen libremente todos os días. As nosas vacas non son unhas vacas calquera porque… son vacas ecolóxicas!!

No ano 2002 decidimos certificar oficialmente como ecolóxica a nosa gandaría. Fomos unha das primeiras gandarías lácteas en converterse en ecolóxica, e na actualidade somos os segundos maiores produtores ecolóxicos de España. A certificación implica unha serie de prácticas que seguimos a machada:

1. As vacas non deben comer ningún tipo de alimento que sexa tratado con herbicidas, pesticidas ou insecticidas.
2. Os abonos químicos tamén están prohibido. Usamos só a compostaxe xerada polas propias vacas para fertilizar os prados.
3. As vacas deben vivir ao aire libre e alimentarse sobre todo co pastoreo.
4. Por cada dúas vacas é necesario ter un mínimo dunha hectárea de prado.
5. Respectamos os ciclos naturais das vacas sen alteralos artificialmente. E velamos polo benestar da súa saúde, traballando na prevención, desta forma conseguimos que as nosas vacas gocen de moi boa saúde e apenas enfermen.