Aqueladas é unha cooperativa de produción audiovisual, centrada no eido dixital e formativo, sen perder de vista o cultural. Fundaméntase na crenza de que audiovisual e interactividade deben ir da man. Na era dos videoxogos e das aplicacións, é máis importante que nunca crear produtos cos que o público poida interactuar. O audiovisual que vén é dixital, e trae consigo espectadores conscientes, que reinterpretan e circulan polos relatos dunha maneira activa. Por iso, os focos de aqueladas son a transmedialidade, a linguaxe dixital e a interactividade, aplicadas ao mundo audiovisual propio de cada proxecto. Xorde da iniciativa de tres graduadas en comunicación audiovisual que levan varios anos desenvolvendo proxectos en conxunto, conciliando isto coa súa activdade laboral noutros sectores como o deseño de experiencia de usuario para produtos dixitais ou o xornalismo. A constitución dunha cooperativa semellaba o paso lóxico para desenvolver a súa actividade no sector de maneira profesionalizada, dando saída ás inquedanzas creativas das socias