Kracia é unha alternativa de márketing dixital, que nace da necesidade de garantir o acceso democrático ás súas ferramentas, a través do que chamamos “As 5 K do Márketing Kracián”. Grazas a estes ofrecemos ás pemes e startups o que precisan para mellorar, ou comezar a súa reputación na rede. Somos especialistas en identidade de marca e márketing de contidos, no que nos centramos, como formas de maximizar a cultura das empresas e a súa visibilidade no mercado dixital. Apostamos polo audiovisual como ferramenta fundamental para captar a atención dos potenciais clientes, e así diferenciar os produtos ou servizos das empresas. Así mesmo, o noso espírito de cooperativa lévanos a xerar un impacto na nosa contorna. Buscando xerar sinerxías de colaboración con profesionais, e achegando o coñecemento á nosa comunidade, a través dun modelo de formación optimizado para as necesidades actuais. O proxecto nace a raíz do curso realizado por Paideia de márketing dixital, empregabilidade e cooperativismo, o cal consistía en formar cooperativas mediante a formación e presentalas nun concurso no que gañaban as dúas mellores cooperativas, entre as que nos encontramos.